Norvega introduce lege que puni clientes de prostitutas.

(Languages of this post: Interlingua, Portuguese, English)

Norvega nunc ha un lege que prohibe le citatanos norvegian de pagar pro sexo intra o foras del pais.

Secundo le autoritates del pais, personas qui compra le servicios de prostitutas pagara un mulcta e potera esser condemnate a sex menses de prision e, in casos de prostitution infantile, le detention potera esser extendite a tres annos.

Le governamento norvegian decideva punir clientes, e non le prostitutas, in un tentative de combatter problemas como le tourismo sexual e le prostitution infantil.

Le nove lege es plus dur que le mensuras jam introducite por altere paises scandinave, como Svedia e Finlandia.

In Norvega, le policia essera autorisate a registrar conversationes de telephono pro reunir probas contra le infractores.

Secundo le jornal norvegian Dagsavisen, le nove legislation jam ha provocate le exodo de multe prostitutas estranie.

“Nos ha indications que presso 50% del prostitutas del Europa oriental e 40% del nigerianas jam ha abandonate le pais”, diceva al diario Olav Laegdene, del Centro del Mulier Nadheim.

Le governamento dice que illo offerera accesso al education public al prostitutas e tratamentos de sanitate pro le addictos de alcohol o drogas.

Criticos affirma que le lege non habera successo in le combatto de prostitution e que le activitate solmente essera plus difficile de esser controlate.

---

Noruega introduz lei que pune clientes de prostitutas.

Agora Noruega tem uma lei que proíbe os cidadãos noruegueses de pagarem por sexo dentro ou fora do país.

De acordo com as autoridades do país, pessoas que compram serviços de prostitutas pagarão uma multa e poderão ser condenado a seis meses de prisão e, em casos de prostituição infantil, a detenção poderá ser estendida para três anos.

O governo norueguês decidiu punir clientes, e não as prostitutas, numa tentativa de combater problemas como o turismo sexual e a prostituição infantil.

A nova lei é mais dura do que as medidas já introduzidas por outros países escandinavos, como Suécia e Finlândia.

Na Noruega, a polícia será autorizada a grampear telefones para reunir provas contra os infratores.

De acordo com o jornal norueguês Dagsavisen, a nova legislação já provocou o êxodo de muitas prostitutas estrangeiras.

“Temos indicações de que cerca de 50% das prostitutas do leste europeu e 40% das nigerianas já saíram do país”, disse Olav Laegdene, do Centro da Mulher Nadheim, ao diário.

O governo diz que oferecerá acesso à educação pública às prostitutas e tratamentos de saúde para as dependentes de álcool ou drogas.

Críticos afirmam que a lei não conseguirá combater a prostituição e que atividade sòmente será mais difícil de ser controlada.

---

Norway introduces a law that punishes clients of prostitutes.

Norway now has a law that forbids Norwegian citizens from paying for sex inside or outside the country.

According to Norwegian authorities, people who buy the services of prostitutes will pay a fine and will be sentenced to six months in jail and, in cases of child prostitution, the sentence can be extended to three years.

The Norwegian government decided to punish clients, and not prostitutes, in an attempt to fight problems such as sexual tourism and child prostitution.

The new law is more severe than the measures already introduced in other Scandinavian countries, such as Sweden and Finland.

In Norway, the police will be authorized to tap telephones to get evidence against violators.

According to the Norwegian newspaper Dagsavisen, the new legislation has already made many foreign prostitutes leave the country.

“We have indications that nearly 50% of East European prostitutes and 40% of the Nigerians have already left the country,” said Olav Laegdene, of the Nadheim Center for Women, to the newspaper.

The government says that it will offer access to public education for prostitutes and treatment for those addicted to alcohol or drugs.

Critics affirm that the law will not be successful in combating prostitution and (will only make it harder to control that activity)/(will only drive it underground).

Le disastros de 2008

(Languages of this post: Interlingua, Spanish, English)

Le anno passate esseva un del plus devastante a causa de su disastros natural, secundo un del principal companias de assecurantia mundial.

Le compania Munich Re assecura in su reporto annual que le impacto del catastrophes natural in 2008 ha essite plus grande que in 2007 a causa del dimensiones del perditas human e economic.

Secundo le compania, le cambio climatic es le causa del poter destructive del huracanes e inundationes que ha affectate nostre planeta in 2008.

Le huracanes ha causate perditas con un valor de plus que US$9 billiones in Cuba.

Ben que in le ultime dece duo menses se produceva minus phenomenos meteorologic extreme que in 2007, le impacto de illos esseva major.

In 2008 plus que 220.000 personas moriva a causa de phenomenos como huracanes, seismos, e inundations--le major numero desde 2004, quando occurreva le tsunami que devastava le sudest asiatic.

Le perditas global ascendeva a US$200 billiones, del quales US$45 billiones non esseva assecurate, 50% plus que in 2007.

Omne isto face de 2008 le tertie anno plus costose registrate usque nunc post 1995, quando un seismo devastava le citate japonese de Kobe, e 2005, quando le huracan Katrina attaccava le sud e central Statos Unite.

“Le cambio climatic jam se ha initiate”, diceva Torsen Jeworrek, de Munich Re. “E il es probabile que illo nunc contribue al augmentate frequentia de phenomenos meteorologic extreme que provoca disastros natural.”

In 2008 Asia esseva le continente le plus affectate per le catastrophes natural.

Le damno causate per le seismo in le provincia chinese de Sichuan, pro exemplo, produceva 70.000 victimas mortal.

In Birmania le cyclon Nargis provocava le morte de unes 130.000 personas, durante que le seismo que devastava le provincia Chinese de Sichuan in maio produceva 70.000 victimas mortal e milliones de personas sin focar.

Secudo le compania de assecurantias Munich Re, le perditas de US$85 billiones lo converteva in le secunde seismo plus car del historia post illo de Kobe.

Ben que iste duo phenomenos causava le major numero de perditas human, le perditas economic pro le companias de assecurantias non esseva elevate proque pauches del benes esseva assecurate.

Le evento le plus car de 2008 esseva le huracan Ike, que causava US$30 billiones in perditas. Illo esseva un del cinque plus grande huracanes del anno in le Atlantico Nord, e le damnos occasionate per Ike e per le huracanes Gustav y Paloma superava $US$9 billiones a causa del impacto sur focares, le agricultura, e le systema electric.

In 2008, circa 1.700 tornados transitava le Statos Unite, causante perditas de billiones de dollars, equal al pluvias in Europa causate per systemas de basse pression.

Munich Re recommenda que le nationes del mundo adopta regulas efficace pro reducer le emissiones de CO2 e assi combater le cambio climatic.

“Isto es logic pur”, diceva Peter Hoppe, chef de investigation de Munich Re. “Quando le temperaturas augmenta, il ha plus evaporation e le atmosphera ha major capacitate pro absorber vapor de aqua, e assi su contento de energia es major, e si nos non attacca seriemente le problema de calefaction global in iste momento, illo essera multo costose pro le generationes del futuro.”

---

Los desastres naturales de 2008

El año pasado fue uno de los más devastadores a causa de sus desastres naturales, según informó una de las principales aseguradoras mundiales.

La compañía Munich Re asegura en su informe anual que el impacto de las catástrofes naturales en 2008 ha sido mayor que en 2007 por la dimensión de las pérdidas humanas y económicas.

Según la aseguradora, el cambio climático es la causa del poder destructivo de los huracanes e inundaciones que afectaron a nuestro planeta en 2008.

Los huracanes han causado pérdidas por valor de más de US$9.000 millones en Cuba.

Aunque en los últimos doce meses se produjeron menos fenómenos meteorológicos extremos que en 2007, el impacto de éstos fue mayor.

En 2008 más de 220.000 personas murieron a consecuencia de fenómenos como huracanes, terremotos e inundaciones--el mayor número desde 2004, cuando ocurrió el Tsunami que asoló el sureste asiático.

Las pérdidas globales ascendieron a US$200.000 millones, de los que US$45.000 no estaban asegurados, un 50% más que en 2007.

Todo esto hace de 2008 el tercer año más costoso registrado hasta el momento tras 1995, cuando un terremoto asoló la ciudad japonesa de Kobe, y 2005, cuando el huracán Katrina azotó el sur y centro Estados Unidos.

"El cambio climático ya se ha iniciado", dijo Torsen Jeworrek, de Munich Re. "Y es probable que esté contribuyendo a que ocurran con más frecuencia fenómenos meteorológicos extremos que provocan desastres naturales".

En 2008 Asia fue el continente más afectado por las catástrofes naturales.

El daño causado por el terremoto en la provincia china de Sichuan, por ejemplo, produjo 70.000 víctimas mortales.

En Birmania el ciclón Nargis provocó la muerte de unas 130.000 personas, mientras que el terremoto que asoló la provincia china de Sichuan en mayo dejó un balance de 70.000 víctimas mortales y millones de personas sin hogar.

Según la aseguradora Munich Re, las pérdidas de US$85.000 millones lo convierten en el segundo terremoto más caro de la historia después del de Kobe.

Aunque estos dos fenómenos causaron el mayor número de pérdidas humanas, las pérdidas económicas para las aseguradoras no fueron elevadas, ya que pocos de los bienes estaban asegurados.

El evento más caro de 2008 fue el huracán Ike, que causó US$30.000 millones en pérdidas. Se trató de uno de los cinco mayores huracanes del año en el Atlántico Norte, y los daños ocasionados por Ike y por los huracanes Gustav y Paloma superaron los US$9.000 millones, a causa del impacto en las viviendas, la agricultura y el sistema eléctrico.

En 2008, alrededor de 1.700 tornados atravesaron EE.UU. causando pérdidas por valor de miles de millones de dólares, igual que las lluvias en Europa causadas por sistemas de baja presión.

Munich Re recomienda que las naciones del mundo adopten reglas efectivas para reducir las emisiones de CO2 y así combatir el cambio climático.

"Es pura lógica”, dijo Peter Hoppe, jefe de investigación de Munich Re. “Cuando las temperaturas aumentan hay más evaporación y la atmosfera tiene mayor capacidad para absorber vapor de agua, y así su contenido de energía es mayor, y si no atacamos sériamente le problema de calefacción global en este momento, será muy costoso para las generaciones del futuro."

---

The Disasters of 2008

Last year was one of the most devastating because of its natural disasters, according to one of the principal insurance companies in the world.

The Munich Re company assures in its annual report that the impact of natural catastrophes in 2008 has been greater than in 2007 because of the extent of the human and economic losses.

According to the company, climatic change is the cause of the destructive power of the hurricanes and floods that affected our planet in 2008.

Hurricanes have caused losses valued at more than $9 billion in Cuba.

Though the last twelve months saw fewer extreme weather phenomena than were seen in 2007, their impact was greater.

In 2008 more than 220,000 people died because of phenomena such as hurricanes, earthquakes, and floods--the greatest number since 2004 after the occurrence of the tsunami that devastated Southeast Asia.

The global losses reached $200 billion, of which $45 billion were not insured, 50% more than in 2007.

All this makes 2008 the third most costly since 1995, when an earthquake devastated the Japanese city of Kobe, and 2005, when the hurricane Katrina attacked the southern and central United States.

“Climate change has now begun,” said Torsen Jeworrek, of Munich Re. “And it is probable that it is now contributing to the increased occurrence of the extreme meteorological phenomena causing the natural disasters.

In 2008 Asia was the continent most affected by natural catastrophes.

The damage caused by the earthquake in the Chinese province of Sichuan, for example, produced 70,000 fatalities.

In Burma the cyclone Nargis caused the death of some 130,000 people, while the earthquake that devastated the Chinese province of Sichuan in May produced 70,000 deaths and made millions of people homeless.

According to the insurance company Munich Re, the losses of $85 billion made it the second most expensive earthquake in history after the one in Kobe.

Though these two phenomena caused the greatest loss of human life, the economic losses for the insurance companies were not high because only a small amount of the property was insured.

The most costly event of 2008 was Hurricane Ike, which caused $30 billion in losses. It was one of the five largest hurricanes of the year in the North Atlantic, and the damages caused by Ike and by Gustav and Paloma topped $9 billion because of the impact on housing, agriculture and the electrical system.

In 2008, around 1,700 tornados crossed the United States, causing losses in the billions of dollars, equal to the rains in Europe caused by low-pressure weather conditions.

Munich Re recommends that the nations of the world adopt effective regulations for reducing CO2 to combat climatic change.

“This is pure logic,” said Peter Hoppe, chief of investigation of Munich Re. “When temperatures go up, there is more evaporation and the atmosphere can absorb more water, so its energy content is greater, and if we don’t seriously attack the problem of global warming at this moment, it will be very costly to future generations.”

Problemas con multe grammaticas de interlingua

(Languages of this post: Interlingua, English)

Multe grammaticas de interlingua solmente presenta le formas del parolas de interlingua, como prepositiones, pro exemplo, e le verbos e lor desinentias. Sovente illos presenta solmente traductiones breve sin exemplos de lor uso in texto coherente.

Como le grammatica de interlingua es multo simple, il es plus efficace apprender interlingua legente textos clar e ben redigite. E si tal textos anque presenta versiones de lor contento in altere linguas fonte de interlingua, il deveni etiam plus facile apprender interlingua si on compara omne le versiones de iste textos parallel attentemente. Facente isto, on facilemente pote observar le similaritates e le differentias inter interlingua e su linguas fonte.

A causa de iste considerationes, le major parte del textos de iste sito es bi- e trililngue. Le thema de alicunes de illos es interlingua mesme, ma io anque presenta multe articulos breve in interlingua, un lingua romanic que contribueva a su formation, e le anglese, anque un del linguas fonte de interlingua.

Vos pote, naturalmente leger iste articulos solmente pro le information que illos contine in le lingua que vos prefere. Ma io spera que alicunes de vos anque studiara attentemente le detalios de expression exhibite per iste linguas. Si vos face isto, vostre cognoscimentos linguistic se augmentara rapidemente, e vos anque apprendera a exprimer vos de un maniera plus clar in vostre lingua native.

---

Problems with many Interlingua grammars

Many Interlingua grammars only present the forms of Interlingua words, such as prepositions, for example, and the verbs and their endings. Often they present only brief translations without examples of their use in coherent text.

Since the grammar of Interlingua is very simple, it is more effective to learn Interlingua by reading clear and well-edited texts. And if such texts also present versions of their content in Interlingua’s other source languages, it becomes even easier to learn Interlingua if you carefully compare all the versions of these parallel texts. By doing this you can easily observe the similarities and the differences between Interlingua and its source languages.

Because of these considerations, most of the texts on this site are bi- and trilingual. The subject of some of them is Interlingua itself, but I also present many brief articles in Interlingua, a Romance language that contributed to its formation, and English, also one of the source languages of Interlingua.

You can, of course, read these articles only for the information they contain in the language you prefer. But I hope that some of you will also carefully study the details of expression exhibited by these languages. If you do this, your linguistic knowledge will rapidly increase, and you also will learn how to express yourself more clearly in your native language.

Que es interlingua?

Le vocabulario commun del linguas occidental pote functionar in un systema coherente de communication. Assi se presenta un lingua autonome. Le nomine de iste lingua es Interlingua.

Non fabricate -- Interlingua non es un lingua artificialmente fabricate secundo preferentias particular de un sol persona o de un gruppo isolate de individuos. Le vocabulario commun del linguas occidental esseva le directiva, e iste vocabulario jam existe 2.000 annos. Illo ha su origines in le linguas latine grec, que deveniva tanto importante pro le cultura, primarimente in Europa ma postea anque in le mundo integre.

Latino moderne -- De facto Interlingua non es un nove creation, ma solmente le re-initiate functionamento del latino in un forma moderne, como illo potentialmente continuava de exister, principalmente in le linguas romanic e anglese, ma su sphera de penetration se extendeva in omne linguas occidental e in alteres.

Vocabulario international -- Post un profunde studio del elementos commun in le linguas principal europee on ha evolvite certe principios pro le selection e le forma del parolas in Interlingua.

Le principios fundamental es -- Un parola es adoptate in Interlingua si illo es commun a al minus tres del linguas anglese, francese, espaniol/portugese, italian e - in certe casos - german e russe. Le forma standardisate de un parola debe esser maximalmente conforme al linguas mentionate, i.e. apparer como le "denominator commun" del vocabulos e elementos in le linguas fonte.

Grammatica simple -- Le formulation del grammatica es determinate grandemente per le vocabulario e le structura morphologic in le linguas de base. Como principio fundamental se poneva que le grammatica de Interlingua debe esser le systema le plus simple que es possibile pro possibilisar le uso del vocabulario in un coherente lingua. Isto significa le exclusion de varie particularitates e formas specific del linguas constituente, ergo nulle generes masculin e feminin, nulle declinationes e nulle conjugationes irregular de verbos.

Avantages -- Pro personas qui es familiar con le vocabulario pan-occidental Interlingua es comprensibile a prime vista. Per un texto in Interlingua on pote assi attinger un grande publico multinational cultivate. Pro altere personas Interlingua offere un utile introduction al tresor universal devocabulos scientific, technic e cultural. Illo anque facilita le lectura de linguas romanic. Interlingua pote esser un profitabile factor supplementari in studios linguistic.Le internationalitate del vocabulario e le simplicitate del grammatica possibilisa al lector o studiante tosto occupar le position de un active usator de Interlingua.

Notas breve sur le grammatica de interlingua

Le articulo:

Le articulo definite es LE in omne casos (sin distinction de genere o numero). Con le prepositiones de e a precedente lo, illo se funde in le formas DEL e AL.

Le articulo indefinite es UN (anque sin distinction de genere).

Le substantivo:

Le plural del substantivos se termina in -S o (pois consonantes) in -ES. Un -C final del singular appare como -CH- in le plural.

Le adjectivo:

Le adjectivo es invariabile. Su forma non indica concordantia con le substantivo o pronomine modificate per illo. Su position es post o ante le substantivo a que illo pertine.

Le adverbio:

Le adverbio es derivate del adjectivos per medio de adder -MENTE (o post un -C final del adjectivo, -AMENTE). Le adverbios radical non formate de un adjectivo multe vices termina in -O o -E.

Le comparation:

Le grado comparative de adjectivos e adverbios es exprimite per PLUS. Le grado superlative per LE PLUS. Grados de inferioritate es similemente exprimite per MINUS e LE MINUS.

Le pronomines personal:

Le pronomines personal, excepte le prime e secunde persona plural, ha duo distincte formas usate respectivemente como subjecto e objecto (tanto ben directe como anque indirecte). In omne tertie personas le formas subjective funge anque como objectos de prepositiones. - IO VOS CONNECTE CON ILLE.

Le adjectivos possessive:

Le adjectivos possessive, excepte in le prime e secunde persona plural, ha formas con e sin -E final. Le plus breve formas occurre immediatemente ante le substantivos modificate per illos. In uso pronominal le formas plus longe es le sol correcte. - ILLE HA LOR ADRESSE E LE MIE.

Le verbo:

Le verbo ha un infinitivo (terminante in -AR, -ER, o -IR) que se usa anque como substantivo e duo participios (presente: "-ANTE", "-ENTE", "-IENTE" e passate: "-ATE", "-ITE" ) que se usa anque como adjectivos. In su conjugation il non ha terminationes personal ma un complete serie de tempores ( passato: -VA. perfecto: HABER + , plusquamperfecto: HABEVA +, futuro: -RA, conditional: -REA) tanto ben active como passive. Illo ha un imperativo (sin le -R del infinitivo), ma nulle conjunctivo (excepte SIA de ESSER).

Le orthographia e pronunciation:

Le litteras es illos del alphabeto standard roman sin signos de accentuation o altere diacriticos. Le pronunciation, in general, es "classic" (vocales como in espaniol, italiano, e germano moderne; C ante E, I, Y, como un S o TS, in altere casos como K; TH como T; PH como f; etc.). Le accentuation es "natural". Le plus frequente le accento cade super le vocal precedente le ultime consonante.

Interlingua e Esperanto

(Languages of this post: Interlingua, English)

Ante apprender interlingua, io apprendeva Esperanto. Esperanto me place multo. Io admira specialmente su flexibilitate agglutinative e su maniera de cunear nove parolas liberemente de su affixos.

Ma post discoperir in Internet que interlingua non es un lingua morte, Io decideva a dedicar me a augmentar le numero de textos in interlingua facilemente trovabile in le Rete.

Mi duo publicationes le plus importante es “Interlingua in interlingua”, que vos pote trovar a [geocities.com/hkyson] e un curso de conversation. Le melior version de iste curso se trova a [http://www.interlingua.nu/elibros/Conversation_interlingua.pdf].

Le partisanos de altere linguas planificate pote usar omne iste ressources como le base de producer nove textos in lor linguas preferite rapidemente pro le uso de studentes e del publico general. Lor linguage es clar e facile a comprender, lor themas es de interesse a lectores international, e illos forma un parte del “creative commons” disponibile a omne le usatores de Internet.

---

Before learning Interlingua, I learned Esperanto. I like Esperanto a lot. I especially admire its agglutinative flexibility and its ability to freely coin new words from its affixes.

But after discovering on the Internet that Interlingua is not a dead language, I decided to dedicate myself to increasing the number of Interlingua texts that can be easily found on the Net.

My two most important publications are “Interlingua in Interlingua,” which you can find at [geocities.com/hkyson], and a conversation course. The best version of this course can be found at [http://www.interlingua.nu/elibros/Conversation_interlingua.pdf].

The partisans of other planned languages can use all these resources as a basis for quickly producing new texts in their preferred languages for the use of students and the general public. Their language is clear and easy to understand, their topics are of interest to an international readership, and they form part of the creative commons available to all users of the Internet. (Harleigh Kyson Jr.)

Duo publicationes indispensabile pro le studio de interlingua

(Languages of this post: Interlingua, English)

Pro apprender ulle lingua, multe textos es necesse pro studiar. Desde que io comenciava mi proprie studios de interlingua, io me dedicava a producer collectiones de textos e de cursos pro le uso de studentes de interlingua.

Forsan le publication le plus importante que io ha elaborate es “Interlingua in interlingua”, un collection de textos ex le magazine “Panorama” sur le scientias, le viages e tourismo, e le interlinguistica. Multes de iste textos es novemente redigite.

“Interlingua in interlingua” anque contine un curso de dece e octo capitulos con le titulo “Lege interlingua e apprender su structura”. Le grammatica de interlingua es tan simple que on pote apprender lo multo facilemente legente textos clar e facile in le lingua con un minimo de exercitios grammatic.

Le prime capitulos de iste curso comencia con un texto de lectura e termina con notas structural. Le capitulos final del curso non ha besonio de notas structural e ha solmente un serie de summarios del historia del seculo vinti. Su URL es [http://www.geocities.com/hkyson].

Mi secunde publication importante es un curso de conversation in interlingua que es multo simile a un pecia de theatro pro le radio. Illo es principalmente le historia de duo protagonistas, Catherina e Petro, qui travalia pro Marex Mundial, un compania specialisate in systemas de transporto urban. Le curso es in dece octo partes, e cata parte ha sex scenas. Su URL es [http://www.interlingua.com/e-libros-conversation].

Ante cata scena appare un summario de su contento. Post le major parte del scenas il ha un parve exercitio que explica alicun characteristicas del interlingua usate in le scenas. Le curso ha un guida qui apprende le interlingua parlate exactemente como vos e qui explica le scopo del exercitios.

Vos pote leger iste curso, preferibilemente con altere personas como si vos habeva un conversation con illes. Como le grammatica de interlingua es multo simple, vos potera apprender lo inductivemente durante que vos usa le curso sin le necessitate de notas grammatic in le curso mesme.

Il ha multe altere resources pedagogic in Internet pro studiar interlingua, e omne illos es bon. Ma si omne illos disappareva e solmente superveva “Interlingua in interlingua” e mi curso de conversation, con solmente iste duo publicationes on haberea multissime documentation del lingua--plus que sufficiente pro facer lo reviver in caso de necessitate, e omne iste ressources pro studiar interlingua es rapidissimente disponibile in Internet e anque es absolutemente gratis!

---

For learning any language, many texts are necessary for study. Since I started my own studies of Interlingua, I dedicated myself to producing collections of texts and courses for the use of students of Interlingua.

Perhaps the most important publication that I have elaborated is “Interlingua in interlingua,” a collection of texts from the magazine “Panorama” on the sciences, traveling and tourism, and interlinguistics. Many of these texts are re-edited.

“Interlingua in Interlingua” also contains an eighteen-chapter course titled “Lege interlingua e apprende su structura” (Read Interlingua and Learn its Structure). The grammar of Interlingua is so simple that a person can learn it very easily just by reading clear and easy texts in the language with a minimum of grammar exercises.

The first chapters of this course start with a text for reading and end with structural notes. The final chapters of the course have no need for structural notes and have only a series of summaries of the history of the twentieth century. Its URL is [http://www.geocities.com/hkyson].

My second important publication is a course of conversation in Interlingua that is very similar to a radio play. It is principally the history of two protagonists, Catherina and Petro, who work for Marex Mundial, a company specializing in systems of urban transport. The course is in eighteen parts, and each part has six scenes. Its URL is [http://www.interlingua.com/e-libros-conversation].

Before each scene is a summary of its content. After most of the scenes there is a small exercise that explains some of the characteristics of Interlingua used in the scenes. The course has a guide learning spoken Interlingua exactly the way you are who explains the purpose of the exercises.

You can read this course, preferably with other people as if you were having a conversation with them. Since the grammar of Interlingua is very simple, you will be able to learn it inductively as you use the course without the need for notes on grammar in the course itself.

There are many pedagogical resources on the Internet for studying Interlingua, and all of them are good. But if all of them disappeared and only “Interlingua in Interlingua” and my conversation course survived, with only these two publications you would have a great amount of documentation of the language—more than enough to revive it in case of necessity, and all these resources for studying Interlingua are very quickly available on the Internet at absolutely no cost! (Harleigh Kyson Jr.)