Sunday, July 5, 2009
Walt Disney e su films
(Languages of this post: Interlingua, English)
Milliones de personas ha vidite le films de Disney e su programmas de television e cognosce Mickey Mouse e omne le altere protagonistas de su films animate. Milliones de altere personas ha visitate Disneyland in California, Disney World in Florida, un altere Disneyland in Tokyo, Japon, e Euro-Disney in Francia. Le mythologia que Disney ha create ha su elementos original, ma Disney anque ha adaptate mythos de diverse partes del mundo que ille ha artisticamente modificate pro producer nove creationes con un nove vita fresc e original.
Walter Elias Disney nasceva in Chicago, Illinois, in 1901. Quando ille habeva quatro annos de etate, su familia abandonava Chicago pro le vita rural a un ferma in Marceline, Missouri. Al etate de dece (e) sex annos Disney comenciava a studiar arte in Chicago. Eventualmente, ille trovava e legeva un libro, “Animated Cartoons: How They Are Made”, per Edwin G. Lutz.
Tosto Frank L. Newman, qui esseva le proprietario de un theatro de cinema in Kansas City, disveloppava un interesse in le breve films animate que Disney produceva, que se appellava “Laugh-O-Grams” e deveniva multo popular inter le fanaticos del films de ille epocha quando le arte del cinema esseva in le prime phases de su evolution.
In 1923 Disney sequeva le altere pioneros del cinema a Hollywood. Ille voleva un carriera como productor o director de films, ma ille non poteva trovar un empleo. Ille tunc decideva a facer films animate, que consiste de un longe serie de caricaturas. Cata caricatura de un tal film es un pauco differente del altere caricaturas que lo circumfere; e presentate in un sequentia assatis rapide, illos produce le illusion de movimento.
Le prime annos pro iste nove compania fundate per Disney esseva difficile. Pro producer films ben succedite, Disney decideva que ille habeva besonio de un serie de protagonistas ben cognoscite pro popular los. In ille annos ille travaliava con un altere animator juvene, Ub Iwerks. Le duo homines sovente videva mures in le vetule edificio ubi illes travaliava, e illes comenciava a designar caricaturas de mures.
Eventualmente lor schizzos produceva Mickey Mouse. Como un humano, Mickey se promenava con duo gambas e portava guantos blanc sur manos de quatro digitos. On designava Mickey multo facilemente con un serie de circulos, e ille esseva perfecte pro films animate. In 1928 le publico primo videva Mickey Mouse in un film breve con le nomine “Steamboat Willie”. Walt Disney mesme provideva le voce de Mickey, e le film esseva un grande successo.
In le proxime annos, Disney produceva centenares de films animate con Mickey Mouse. In Japon, on le cognosceva como “Miki Kuchi”. In Italia ille esseva “Topolino”. In le America latin, ille esseva “Ratón Miquelito”. Tosto Mickey habeva un serie de amicos. Un esseva un mus feminin con le nomine “Minnie”. Postea veniva un anate con le nomine “Donald” e un can con le nomine “Pluto”.
Le films de Mickey Mouse esseva extrememente popular, ma Disney anque voleva producer films animate que durava plus que un hora. Su prime film de iste tipo, “Snow White” ha su origine in “Schneewittchen”, un conto del fratres Grimm. In iste version del conto appare le speculo magic e le septe nanos, al quales Disney dava nomines individual. Post tres annos de travalio, Disney finiva “Snow White and the Seven Dwarfs” in 1937. Illo deveniva un del plus famose films de Hollywood.
Multe expertos in le cinema dice que, desde un perspectiva artistic, le melior film de Disney es “Pinocchio,” que Disney adaptava del creation del italiano Carlo Collodi. Le prime version designate de Pinocchio esseva per le artista Gris Grimly. Ma le artistas de Disney voleva un protagonista plus animate e benevole e disveloppava un nove version de Pinocchio. Illes debeva designar 2.500.000 picturas de ille pro completar le film. Ben que le artistas que creava Pinocchio esseva limitate a picturas in duo dimensiones, lor magica creava le illusion de tres dimensiones e objectos que esseva ben solide. Le mundo de Pinocchio esseva imaginari, ma illo appareva multo concrete e facile a toccar.
In le duo decadas que comenciava in 1940, Disney produceva altere films animate multo popular, que include “Fantasia”, “Dumbo”, “Bambi”, “Cinderella”, “Alice in Wonderland”, “Peter Pan”, “Lady and the Tramp”, e “Sleeping Beauty”. Omne iste filmes es popular etiam nunc.
Disney anque produceva multe films e programmas de television con actores vivente. Ille anque produceva films sur animales in lor ambientes natural. Omne su films esseva inspirate per ideas simile. In le major parte de illos, innocentia, loyalitate, e amor familiar es menaciate per fortias maligne. Illos narra eventos triste, ma illos anque contine creaturas e eventos comic. In omne illos, eventualmente, le bon triumphava super le mal. Disney ganiava 32 premios del Academia Cinematic American pro su films e pro inventiones scientific e technic que facilitava lor production.
Disney mesme moriva in 1966. Ma le compania que ille comenciava continua su production de films, programmas de television, e innovationes in Disneyland e le altere parcos Disney in Florida e in altere partes del mundo.
Millions of people have seen Disney’s films and his television programs and know Mickey Mouse and the other characters in his animated films. Millions of other people have visited Disneyland in California, Disney World in Florida, another Disneyland in Tokyo, Japan, and Euro-Disney in France. The mythology that Disney has created has its original elements, but Disney has also adapted myths from various parts of the world that he has artistically modified to produce new creations with a new fresh and original life.
Walter Elias Disney was born in Chicago, Illinois, in 1901. When he was four years old, his family left Chicago for the rural life on a farm in Marceline, Missouri. At age sixteen, Disney started to study art in Chicago. Eventually he found and read a book, “Animated Cartoons: How They Are Made,” by Edwin G. Lutz.
Soon Frank L. Newman, who owned a movie theater in Kansas City, developed an interest in the short animated films that Disney produced, which were known as “Laugh-O-Grams” and became very popular among film fans at that time when the art of filmmaking was in the first phases of its evolution.
In 1923 Disney followed the other film pioneers to Hollywood. He wanted a career as a movie producer or director, but he could not find a job. He then decided to make animated films, which consist of a long series of cartoons. Each cartoon in such a film is a little different from the other cartoons that surround it; and presented in a rather rapid sequence, they produce the illusion of movement.
The first years for this new company that Disney founded were difficult. To produce successful films, Disney decided that he needed a series of well-known characters to populate them. In those years he worked with another young animator, Ub Iwerks. The two men often saw mice in the old building where they worked, and they started to draw cartoons of mice.
Eventually their sketches produced Mickey Mouse. Like a human, Mickey walked on two feet and wore white gloves on hands with four fingers. Mickey was drawn very easily with a series of circles, and he was perfect for animated films. In 1928 the public first saw Mickey Mouse in a short film named “Steamboat Willie.” Walt Disney himself provided Mickey’s voice, and the film was a great success.
In the next few years, Disney produced hundreds of films with Mickey Mouse. In Japan he was known as “Miki Kuchi.” In Italy he was “Topolino.” In Latin America he was “Ratón Miquelito.” Soon Mickey had a series of friends. One was the female mouse named “Minnie.” Afterwards came a duck named “Donald” and a dog with the name of “Pluto.”
Mickey Mouse films were extremely popular, but Disney also wanted to produce animated films that lasted more than an hour. His first film of this kind, “Snow White,” has its origin in “Schneewittchen,” a Grimm Brothers fairy tale. This version of the tale has the magic mirror and the seven dwarfs, to which Disney gave individual names. After three years of work, Disney finished “Snow White and the Seven Dwarfs” in 1937. It became one of the most famous films of Hollywood.
Many film experts say that, from an artistic perspective, the best of Disney’s films is “Pinocchio,” which Disney adapted from the creation of the Italian Carlo Collodi. The first drawn version of Pinocchio was by the artist Gris Grimley. But Disney’s artists wanted a kinder, more animated character and developed a new version of Pinocchio. They had to draw 2,500,000 pictures of him to complete the film. Though the artists who created Pinocchio were limited to two-dimensional pictures, their magic created the illusion of three dimensions and objects that were quite solid. Pinochio’s world was imaginary, but it appeared very concrete and easy to touch.
In the two decades starting in 1940, Disney produced other very popular animated films, which include “Fantasia,” “Dumbo,” “Bambi,” “Cinderella,” “Alice in Wonderland,” “Peter Pan,” “Lady and the Tramp,” and “Sleeping Beauty.” All these films are popular even now.
Disney also produced many films and television programs with living actors. He also produced films about animals in their natural environments. All his films were inspired by similar ideas. In most of them, innocence, loyalty, and family love are threatened by evil forces. They narrate sad events, but they also contain funny creatures and events. In all of them, eventually, good triumphs over evil. Disney won thirty-two Oscars from the Motion Picture Academy for his films and for scientific and technical inventions that facilitated their production.
Disney himself died in 1966. But the company that he started continues producing films, television programs, and innovations in Disneyland and the other Disney parks in Florida and the other parts of the world.
Posted by hkyson at 7:22 AM