Le sito http://www.real-english.com

(Languages of this post: Interlingua, English)

Multe personas sempre essaya a trovar manieras de usar Internet pro ganiar moneta. Alteres (como io) solmente vole provider un servicio gratuite al publico. Io, pro exemple, usa “Interlingua multilingue” pro provider al publico ressources gratuite pro apprender interlingua e su linguas fonte in lor forma scribite.

Ma il ha un altere sito, [http://www.real-english.com], que insenia le anglese parlate gratuitemente al studentes del lingua. Illes face interviews video spontanee con le publico in multe partes del mundo ubi le anglese se parla pro provider exemplos del anglese parlate spontaneemente.

Le membros del publico in iste interviews, naturalmente, non es pagate. On face a illes questiones, pro exemplo, sur lo que illes sta a facer o le tipo de travalio que illes face. Iste videos anque ha subtitulos pro facilitar le comprension del studentes qui los usa.

Probabilemente le personas qui face iste interviews es voluntarios. Naturalmente, facer iste videos e mantener le sito [real-english.com] costa un pauco de moneta. Ma le persona(s) qui inaugurava iste sito e organisava su programa obviemente crede que il es importante provider iste servicio al studentes del mundo de un maniera gratuite.

Infelicemente, multe membros del Union Mundial de Interlingua non crede in iste philosophia. Ben que il ha textos que UMI provide al publico gratuitemente (ben que a vices illos es multo difficile a discargar), le sito de UMI contine multe ressources que es disponibile al interlinguistas del mundo solmente a cambio de moneta.

Felicemente, multe personas qui crede, como io, que omne le ressources bibliographic de interlingua debe esser facile- e immediatemente disponibile in le Rete, sta a luctar fortemente contra iste philosophia contraproductive, e le crescente quantitate de ressources gratuite disponibile in sitos como “Interlingua in interlingua”, pro exemplo, face de plus in plus irrelevante le existentia del Union Mundial pro Interlingua.

---

Many people are always trying to find ways of using the Internet to make money. Others, (like me) only want to provide a free service to the public. I, for example, use “Interlingua multilingue” to provide to the public free resources for learning Interlingua and its source languages in their written form.

But there is another site, [http://www.real-english.com] that teaches spoken English without charge to students of the language. They make spontaneous video interviews with the public in many parts of the world where English is spoken to provide examples of spontaneously spoken English.

The members of the public in these interviews, naturally, are not paid. They are asked questions, for example, about what they are doing or about the kind of work they do. These videos also have subtitles to aid the comprehension of students using them.

Probably the people who do these interviews are volunteers. Naturally, making these videos and maintaining the real-english.com site costs a little money. But the person(s) who inaugurated this site and organized its program obviously believe that it is important to provide this service to the students of the world for absolutely nothing.

Unfortunately, many members of the Union Mundial pro Interlingua do not believe in this philosophy. Though there are texts that the UMI provides the public at no cost (though at times they are very difficult to download), the UMI site has many bibliographic resources that are available to the Interlinguists of the world only if they are paid for.

Fortunately, many people who, like me, believe that all the bibliographical resources of Interlingua should be easily and immediately available on the Net are strongly fighting against this counterproductive philosophy, and the growing amount of freely available resources in sites like “Interlingua in interlingua,” for example, are making more and more irrelevant the existence of the Union Mundial pro Interlingua.