Obama dice que le Statos Unite es preparate a acceptar islamistas in un nove governamento egyptian si illes appoia le democratia.

(Languages of this post: Interlingua, English)

Le administration del Presidente Obama ha annunciate que illo es preparate a appoiar un rolo pro gruppos como le Fraternitate Musulman in un nove governamento egyptian si illos rejecta le violentia e vermente accepta un systema politic pluralistic pro le pais. Iste position del governamento American es un recognition que un governamento reformate in Egypto probabilemente habera elementos politic que non appoiara le politicas traditional del Statos Unite verso ille pais.

“Iste nove politica del administration de Obama indica clarmente que le Statos Unite non va a advocar un forma de pluralismo restringite”, diceva Robert Malley, un negotiator qui representava le Statos Unite durante le administration de Bill Clinton in le negotiationes inter le israelis e le palestinos.

Le administration de George W. Bush anque diceva que illo voleva reformas democratic in Egypto, ma su Secretaria de Stato, Condoleeza Rice, non mentionava le possibilitate de un rolo specific pro le islamistas in un governamento egyptian reformate.

Un portavoce del Casa Blanc, Robert Gibbs, diceva que un nove governamento egyptian “debera includer un gruppo significante de partisanos secular nonviolente pro assecurar que Egypto potera continuar su alliantia con le Statos Unite”.

Gibbs anque diceva que usque nunc le administration de Obama non ha habite contactos con le Fraternitate Musulman a causa de questiones sur su dedication al rejection del violentia e al principios de operation legal de un governamento parlimentar. (Iste gruppo non se trova tamen in le lista american de organisationes terroriste como Hamas e Hezbollah.)

Iste commentarios de Gibbs veniva post un conferentia in le Casa Blanc in le qual emergeva un consenso que le administration american ha acceptate le possibilitate que Mubarak debera demitter se del presidentia egyptian.

Inter le organisationes que lucta pro reformas in le governamento egyptian, le Fraternitate Musulman es le gruppo le plus grande e le plus ben organisate, con 600.000 membros, multes ex illes homines instruite del classe medie. Illo ha formalmente rejectate le terrorismo e le violentia, ma su inclusion in un nove governamento egyptian probabilemente esserea polemic inter le alliatos del Statos Unite, specialmente Israel, proque le gruppo advoca le nullification del tractato de pace inter Egypto e Israel.

Su membros se presenta como candidates independente in le electiones de Egypto. In 2005 illes ganiava 20% del sedes del parlamento egyptian. Ma in le electiones de novembre, 2010, illles non ganiava ulle sedes in le parliamento, provocante accusationes inter su membros de practicas fraudulente in le conducta del election.

Ultra su effortios politic, le Fraternitate Musulman ha programmas social pro adjuvar a plenar le lacunas in le programmas de servicios social del governamento egyptian. Al mesme tempore illo rejecta le possibilitate de un christiano o un femina in le presidentia egyptian e advoca cambios in le systema legal de Egypto que accomodarea multes del practicas del Sharia, le codice legal islamic.

Conservativos statounitese como Newt Gingrich time le possibile participation de iste gruppo in un nove governamento egyptian, comparante lo al fundamentalistas islamic qui controla le governamento de Iran. Ma alteres insista que tal timores es exaggerate.

Mohamed El Bardel, le laureate nobel qui ha recipite le premio del pace e le ancian chef del Agentia International pro le Energia Atomic, qui ha devenite un del symbolos principal del movimento contra Mubarak, ha dicite que su membros non presenta problemas de possibile violentia o extremismo, e le Fraternitate Musulman appoia le possibilitate de seliger le como un presidente transitional durante le formation de un nove governamento reformate.

Post un conferentia de in le Casa Blanc sur le transition politic de Egypto, multe expertos in le politica del Medie Oriente qui participava in le reunion ha concludite que le administration non va a insister que un nove governamento egyptian include Mubarak como parte de su structura, ma illes diceva que Obama debe clarificar lo que ille significa quando ille parla sur possibile reformas in le governamento que emergera post iste rebellion.

Tom Malinowski, le director pro Human Rights Watch in Washington, dice que ille time que homines como Omar Suleiman, le nove vice presidente Egyptian, habera ideas sur derectos human que essera in conflicto con le ideales traditional american.

Iste expertos anque diceva que le Secretaria de Stato, Hillary Clinton, debera exiger plus que un dialogo inter Muburak e su opposition politic. “Nos ha accentuate que le ‘dialogo’ non esssera sufficiente pro resolver iste crise”, diceva Malinowski. “Lo que es essential es un processo de negotiation que producera un transition politic vermente substantial.”

Functionarios del Consilio de Securitate National del Statos Unite, Ben Rhodes, Samantha Power, e Daniel Shapiro, non voleva parlar su le sorte de Mubarak post su presidentia. Ma illes insiste que il debera esser le egyptianos mesmes qui establira le forma de un nove governamento pro Egypto sin ulle influentia per le Statos Unite.

---

Obama says that the United States is prepared to accept Islamists in a new Egyptian government if they support democracy.

President Obama’s administration has announced that it is prepared to accept a role for groups like the Muslim Fraternity in a new Egyptian government if they reject violence and truly accept a pluralistic political system for the country. This position by the American government recognizes that a reformed government in Egypt will probably have political elements that will not support traditional U.S. policies toward that country.

“This new policy of the Obama administration clearly indicates that the United States is not going to advacate a restricted form of pluralism,” said Robert Malley, a negotiator that represented the United States during Bill Clinton’s administration in negotiations between the Israelis and the Palestinians.

George W. Bush’s administration also said that it wanted democratic reforms in Egypt, but its Secretary of State, Condoleeza Rice, did not mention a specific role for Islamists in a reformed Egyptian government.

A spokesman for the White House, Robert Gibbs, said that a new Egyptian government “will have to include a significant group of nonviolent secular partisans to assure that Egypt will be able to continue its alliance with the United States.”

Gibbs also said that up to now Obama’s administration has not had contacts with the Muslim Fraternity because of questions about its dedication to the rejection of violence and to a parliamentary government’s legal principles of operation. (This group is not found, however, on the American list of terrorist organization like Hamas and Hezbollah.)

These comments by Gibbs came after a conference in the White House in which a consensus emerged that the American administration has accepted the possibility that Mubarak will have to resign from the Egyptian presidency.

Among the organizations that are fighting for reforms in the Egyptian government, the Muslim Fraternity is the largest one with 600,000 members, many of them educated men from the middle class. It has formally rejected terrorism and violence, but its inclusion in a new Egyptian government probably will be controversial among U.S. allies, especially Israel, because the group advocates the nullification of the peace treaty between Egypt and Israel.

Its members run as independent candidates in Egyptian elections. In 2005 they won 20% of the seats in the Egyptian parliament. But in the November, 2010, elections they did not win any seats in the parliament, provoking accusations among them of fraudulent practices in running the election.

Beyond its political efforts, the Muslim Fraternity has social programs to help fill the gaps in the social-service programs of the Egyptian government. At the same time it rejects the possibility of a Christian or a woman in the Egyptian presidency and advocates changes in the legal system of Egypt that would accommodate many of the practices of Sharia, the Islamic legal code.

U.S. conservatives like Newt Gingrich fear the possible participation of this group in a new Egyptian government, comparing it to the Islamic fundamentalists who control the government of Iran. But others insist that such fears are exaggerated.

Mohammed El Bardel, the Nobel laureate who has received the peace prize and the former head of the International Atomic Energy Agency, who has become one of the principal symbols of the movement against Mubarak, has said that its members do not present problems of extremism or possible violence, and the Muslim Fraternity supports the possibility of selecting him as a transitional president during the formation of a new reformed government.

After a conference in the White House on the political transition in Egypt, many experts on Middle East politics who participated in the meeting have concluded that the administration is not going to insist that a new Egyptian government include Mubarak as part of its structure, but they said that Obama should clarify what he means when he speaks about possible reforms in the government that will emerge after this rebellion.

Tom Malinowsky, the head of Human Rights Watch in Washingon, says that he fears that men like Omar Suleiman, the new Egyptian vice-president, will have ideas about human rights that will conflict with traditional American ideals.

These experts also said that the Secretary of State, Hillary Clinton, will have to demand more than a dialogue between Mubarak and his political opposition. “We have emphasized that ‘dialogue’ will not be enough to resolve this crisis,” said Malinowski. “What is essential is a negotiation process that will produce a really substantial political transition.”

Officials of the National Security Council, Ben Rhodes, Samantha Power, and Daniel Shapiro, did not want to speak about Mubarak’s fate after his presidency. But they insist that it will have to be the Egyptians themselves who will establish the form of a new government for Egypt without any influence from the United States.