Sunday, September 6, 2009

Technica moderne provide nove sapientia super le pyramides.

(Languages of this post: Interlingua, English)

Un equipa de scientistas japonese pensa haber trovate un labyrintho de passages in le interior del pyramide Cheops al sud de Cairo in Egypto. Ma on non crede que le pharaon ha essite sepultate illac.

Durante decennios archeologos e scientistas ha examinate iste pyramide. Centos de expeditiones ha entrate in le pyramide pro studiar su structura, e milles ha essayate a divinar ubi se trova vermente le mumia del pharaon Cheops.

Generationes de egyptologos ha pensate que le Grande Pyramide e le duo altere pyramides esseva construite como sepulchros e que le corpore e donos sepulchral de Cheops habeva essite robate. Sur le plateau il anque ha le sepulchros del filio Kefren, le reginas, membros del familia e plure functionarios. Iste structuras e le Sphinge esseva erigite ante circa 4.500 annos.

Le equipa japonese ab le universitate Waseda presso Tokio publicava un reporto post duo septimanas de recerca usante equipamento electromagnetic de scanning in le pyramide e le vicinitate.

Illes, i.a., ha detegite un passage ab le camera del regina al muro nord-west e es confidente que illo pote ducer a un serie de labyrinthos in le corde del pyramide. Al sud del pyramide illes anque discoperiva a un distantia de 42 metros un fossa sigillate con ligno e corda. Un simile fossa discoperite in 1954 contineva le mesme materiales, que esseva combinate pro facer un nave de cedro trovate a Cheops. Finalmente le equipa japonese ha trovate structuras subterranee a ambe lateres del Sphinge que sembla continuar sub su corpore e que potera esser un tunnel.

Le japoneses crede que le sepulchro del pharaon pote trovar se non in le pyramide ma in le vicinitate del structura. Totevia, on primo vole esser secur que le pyramide mesme non contine ancora un camera sepulchral secrete. Le equipa pensa que le pyramide esseva construite non como sepulchro ma como symbolo del viage periculose que le morte pharaon debeva facer.

(Per Thomas Breinstrup, publicate in Panorama, No. 1, januario-februario, 1988 e republicate in “Interlingua in interlingua”)


Modern technology provides new knowledge about the pyramids.

A team of Japanese scientists believes it has found a labyrinth of passages in the interior of the Cheops pyramid south of Cairo in Egypt. But the pharaoh is not believed to be buried there.

For decades archeologists and scientists have examined this pyramid. Hundreds of expeditions have entered the pyramid to study its structure, and thousands have tried to guess where the mummy of the pharaoh Cheops can really be found.

Generations of Egyptologists have thought that the Great Pyramid and two other pyramids were built to be tombs and that the body and gifts buried with Cheops had been robbed. On the plateau there are also the tombs of of his son Kefren, the queens, members of his family, and several officials. These structures and the Sphinx were built about 4,500 years ago.

The Japanese team from Wasada University near Tokyo published a report after two works of research using electromagnetic scanning equipment in the pyramid and its surrounding area.

Among other things, they have detected a passage from the queen’s chamber to the northwest wall and are confident that it can lead to a series of labyrinths in the heart of the pyramid. To the south of the pyramid they also discovered at a distance of forty-two meters a cavity sealed with wood and rope. A similar cavity discovered in 1954 contained the same materials, which were combined to make a cedar boat found at Cheops. Finally, the Japanese team has found subterranean structures on both sides of the Sphinx that seem to continue under its body and that could be a tunnel.

The Japanese believe that the pharaoh’s tomb can be found not in the pyramid but in the vicinity of the structure. Nevertheless, they want to be sure that the pyramid itself does not contain a secret tomb. The team thinks that the pyramid was built not as a tomb but as a symbol of the dangerous voyage that the dead pharaoh had to make.

(By Thomas Breinstrup, published in Panorama, No. 1, January-February, 1988 and republished in “Interlingua in interlingua”)

No comments: