Le calefaction global

(Languages of this post: Interlingua, English)

Le Nationes Unite, in in su advertimento le plus forte usque nunc, ha dicite a nos omnes que multo probabilemente le califaction global causate per activitates human es un phenomeno que devenira de plus in plus sever pro un periodo de seculos in despecto de ulle programmas que nos pote inaugurar pro reducer lo.

Iste conclusiones, redigite per representatives de 113 (cento dece tres) nationes durante un reunion in Paris, se basa sur studios scientific in le ultime sex annos.

Le scientistas in Paris diceva que "le major parte del acrescimento in temperaturas in le secunde medietate del Seculo vinti es multo probabilemente le resultato de emissiones producite per le combustion de petroleo, carbon, e methano per automobiles, centrales electric, e fabricas."

Illes characterisava lor conclusiones como "multo probabile", que significa un taxa de probabilitate de 90% (novanta procento). In lor ultime reporto, publicate ante cinque annos, illes concludeva que il es "assatis probabile" que le causa del calefaction global es le impacto de nostre patronos de combustion industrial, indicante un taxa de probabilitate de 66% (sexanta e sex) pro cento.

Iste conclusiones indica que multe partes del mundo, includente insulas como Kiribati in le Oceano Pacifico e le paludes de New Orleans, Louisiana, essera inundate assatis tosto.

Le reporto indicava que il es probabile que le causa del huracanes plus sever de annos recente es aunque le calefaction global e que omne le areas congelate circum le polo nord devenira aqua liquide durante le verano.

Iste reporto es solmente un documento scientific, e illo non offere recommendationes pro controlar le calefaction global. On expecta que intra un anno apparera un nove reporto que proponera recommendationes pro controlar iste problema.

Le Protocollo de Kyoto esseva designate pro reducer le emissiones que causa le calefaction global, ma paises grande como le Statos Unite, China, e India non ha programmas special pro reducer lor proprie emissiones. Le presidente Bush retirava le Statos Unite del protocollo in 2001, dicente que illo esseva un jacchetta de fortia economic e que le protocollo non demandava ulle restrictiones sur emissiones ex nationes disvellopante.

Secundo Ralph Keeling del Scripps Institution of Oceanography in La Jolla, California, le scientia de iste nove reporto pare multo solide. Vermente, ille diceva, su conclusiones representa un consenso de un grande numero de interesses diverse; e a causa de iste consideration, il es probabile que su projectiones es multo conservative e que le destruction causate per le callefaction global essera mesmo plus sever que le predictiones del reporto.

(Io mesme crede que il es possibile, forsan probabile, que nos jam es extincte, que il non ha ullo que nos vermente pote facer pro evitar nostre extinction, e que nos non ha potite confrontar le consequentias de iste tragedia final pro le humanitate.

(Pro nostre planeta, nos es solmente un epiphenomeno insignificante, o sia, un infestation de pulices como omne le altere formas de vita in nostre biosphera. Le evolution, naturalmente, continuara su processos lentissime, exactemente como post le extinction del dinosauros, ma nos non formara parte del processo.

(Post unes milliones de annos, le ecosystema e le flora e fauna de nostre planeta cambiara multo, exactemente como il ha cambiate post multe diastros ecologic in le passato, ma nos non potera viver pro observar iste differentias--exactemente como le dinosaurios non ha potite superviver pro observar le mundo contemporanee.)

---

The United Nations, in its strongest warning up to now, has said to all of us that very probably global warning caused by human activity is a phenomenon that will become more and more severe for a period of centuries despite any programs that we can start up to reduce it.

These conclusions, assembled by representatives of 113 (one hundred thirteen) nations during a meeting in Paris, is based on scientific studies in the last six years.

The scientists in Paris said that "most of the increases in temperatures in the second half of the twentieth century are very probably the result of emissions produced by the combustion of petroleum, coal, and methane by automobiles, electric-generating plants, and factories."

They characterized their conclusions as "very probable," which signifies a probability rate of 90% (ninety percent). In their last report, published five years ago, they concluded that it is "rather probable" that the cause of global warming is the impact of our patterns of industrial combustion, indicating a probability rate of 66% (sixty-six percent).

These conclusions indicate that many parts of the world, including islands such as Kiribati in the Pacific Ocean and the marshlands of New Orleans, Louisiana, will be flooded rather soon.

The report indicated that it is probable that the cause of the more severe hurricanes of recent years is also global warning and that all the areas frozen around the North Pole will become liquid water during the summer.

This report is only a scientific document, and it does not offer recommendations for controlling global warming. It is expected that within a year a new report will appear that will propose recommendations for controlling this problem.

The Kyoto Protocol was designed to reduce the emissions that cause global warming, but large countries like the United States, China, and India do not have special programs for reducing their own emissions. President Bush withdrew the United States from the protocol in 2001, saying that it was an economic straitjacket and that the protocol did not demand any restrictions on emissions from developing nations.

According to Ralph Keeling of the Scripps Institution of Oceanography in La Jolla, California, the science of this new report seems very solid. Really, he said, its conclusions represent a consensus of a great number of diverse interests; and because of this consideration, it is probable that its projections are very conservative and that the destruction caused by global warming will be even more severe than the predictions of the report.

(I myself believe that it is possible, perhaps probable, that we are already extinct, that there is nothing that we really can do to avoid our extinction, and that we have not been able to confront the consequences of this final tragedy for the human race.

(For our planet, we are only an insignificant epiphenomenon, in other words, a flea infestation like all the other forms of life in our biosphere. Evolution, naturally, will go on with its very slow processes, exactly the way it did after the extinction of the dinosaurs, but we will not be a part of the process.

(After a few millions of years, the ecosystem and the flora and fauna of our planet will change a lot, exactly the way it has changed after many ecological disasters in the past, but we will not be alive to observe these differences--in the same way that the dinosaurs have not been able to survive to observe the contemporary world.)