Un Africano incredibilemente corrupte nunc vive in Malibu, California.

(Languages of this post: Interlingua, English)

Malibu, California, multo proxime a Los Angeles e Santa Monica, es le focar de personas como Cher Bono, Barbra Streisand, e multe productores e directores del industria cinematic de Hollywood.

Illes nunc ha un nove vicino, Teodoro Obiang Nguema Mbasogo, le filio major del presidente Nguema Mbasogo del Guinea Equitorial. Ille comprava illac un villa pro $35.000.000 (trenta e cinque milliones de dollars]. Iste compra sue attraheva le attention de Global Witness, un organisation que studia e da publicitate al patronos de corruption in omne le partes del mundo.

Theodoro Obianga Nguema Mbasogo es le ministro de agricultura de su pais e recipe un salario de $5.000 (cinque mille dollars) cata mense. Ben que pro multes ex nos iste salario esserea fabulose, illo non es sufficiente pro comprar un villa in Malibu sin altere fontes de moneta, sin dubito de fontes corrupte in iste caso.

In 2003 (duo mille tres) le presidente Obiang attraheva le attention del medios de communication del Statos Unite quando ille depositava $700.000.000 (septe centos milliones de dollars) in un conto in le Riggs Bank in Washington.

Le Guinea Equitorial ha grandissime depositos de petroleo, e obviemente le companias american que lo extrahe provideva iste moneta a Obiang pro assecurar que ille mantenerea opprimite le population povrissime de su pais.

Ben que su governamento es un "democratia" como le "democratia" que nos nunc essaya construer in Iraq, Obiang opprime le population de su pais con grandissime cruelitate.

In 2003 nostre Presidente Bush reaperiva nostre ambassada in le Guinea Equitorial, le qual habeva essite claudite a causa de preoccupationes sur le patronos de corruption e del abuso de derectos human in ille pais.

In iste dies le Statos Unite ha un nove competitor in le piliage del ressources natural de Africa: China, que monstra le mesme tipos de corruption e abuso del population de Africa que nostre proprie corporationes, grandemente adjuvante per nostre governamento federal, nunc monstra e que le europeos monstrava in le seculo XIX e in le seculo XX usque le Prime Guerra Mundial.

Plus ça change, plus c'est la même merde!

---

An incredibly corrupt African is now living in Malibu.

Malibu, California, very near Los Angeles and Santa Monica, is the home to people like Cher Bono, Barbra Streisand, and many producers and directors of the movie industry in Hollywood.

They now have a new neighbor, Teodoro Obiang Nguema Mbasogo, the oldest son of President Nguema Mbasogo of Equitorial Guinea. He bought a villa there for $35,000,000 (thirty-five million dollars). This purchase attracted the attention of Global Witness, an organization that studies and publicizes the patterns of corruption throughout the world.

Theodoro Obianga Nguema Mbasogo is the minister of agriculture of his country and receives a salary of $5,000 (five thousand dollars) each month. Though for many of us this salary would be fabulous, it is not enough to buy a villa in Malibu without other sources of money, no doubt from corrupt sources in this case.

In 2003 (two thousand [and] three) President Obiang attracted the attention of the communications media of the United States when he deposited $700,000,000 (seven hundred million dollars) in an account in the Riggs Bank in Washington.

Equitorial Guinea has really large oil deposits, and obviously the American companies that pump it out provided this money to Obiang to make sure that he would keep on cruelly oppressing the incredibly impoverished population of his country.

Though his government is a "democracy" like the "democracy" that we are now trying to build in Iraq, Obiang oppresses his population with great cruelty.

In 2003 our President Bush reopened our embassy in Equitorial Guinea, which had been closed because of worries about the patterns of corruption and human-rights abuse in that country.

In these days the United States has a new competitor for plundering the natural resources of Africa: China, which is showing the same kinds of corruption and abuse of the population of Africa that our own corporations, with great help from our federal government, are now showing and that the Europeans showed in the nineteenth and twentieth century up to the First World War.

Plus ça change, plus c'est la même merde! (Even though things keep on changing, you still have to keep on (dealing with)/(putting up with) the same old shit!)