Monday, January 26, 2009

Problemas de securitate informatic in le Statos Unite

(Languages of this post: Interlingua, English)

Le revolution informatic ha producite un serie de problemas de securitate in le Statos Unite que deveni de plus in plus obvie.

Le plus periculose forsan involve servicios bancari informatic. Le bancas american vole promover tal servicios proque illos es plus economic que servicios traditional. Ma le industria bancari debe luctar constantemente contra fures de numeros e parolas de accesso al contos individual sur lor systemas--e anque le historias del transactiones que involve iste contos.

Usante iste information, crescente numeros de fures ha potite robar crescente numeros del clientes de iste bancas de crescente quantitates de moneta. Pro un cliente individual, a vices il es impossibile recuperar iste moneta sin perder multe tempore e effortio. E nostre bancas, naturalmente, face omne lo que illos pote pro evitar publicitate sur iste problema proque illos non vole perder le confidentia de lor clientes.

Nostre bancas anque essaya furiosemente a resolver iste problemas de securitate. Illos ha essayate a usar le encryption, pro exemplo, pro proteger iste information sensitive. Iste systemas generalmente se basa in le uso de duo numeros prime grandissime que se multiplica pro producer un numero composite etiam plus grande. Ma nostre computatores nunc es assatis potente que il nunc es impossibile construer un nove systema de encryption que non pote esser decyphrate in un periodo de horas per hackers determinate.

Le bancas, naturalmente contracta lor proprie hackers pro discoperir problemas de securitate in lor systemas. Ma pro le opponentes del hackers del bancas, il es solmente un fonte de amusamento penetrar cata nove systema de securitate bancari.

E le bancas anque ha le problema exprimite in iste parolas per le romanos: "Quis custodiet ipsos custodes?" (Qui custodiara le custodiatores mesme?) Iste dilemma establi le probabilitate que le hackers del bancas a vices cooperara con lor competitores in un processo secrete de inricchimento mutue. Facente isto, illes solmente imita le practicas de executivos de corporationes como Enron e altere simile companias que ha causate le crise economic mundial que nunc nos afflige.

Il es impossibile resolver definitivemente iste problema de securitate (e anque problemas de securitate e probitate inter functionarios legal e politic, le quales es un parte importante in le dynamica del historia human). Isto es un characteristica del condition human constante que crescente numeros de americanos--stultificate per le multiple deceptiones de nostre mythologia national (e sovente multo fer de esser stultificate assi)--nunc discoperi gradualmente.

E multe personas qui usa gruppos informatic como o pro mantener lor rete de contactos social ha discoperite que information que in epochas anterior se haberea perdite in conversationes confidential nunc se preserva pro le posteritate, e multe personas ha perdite empleos a causa de commentos critic inviate a lor "amicos" in iste gruppos nove sur le companias que les emplea.

Mesmo personas como Bill Gates ha oblidate isto occasionalmente. In posta electronic ille ha planificate su strategia contra actiones legal contra Microsoft pro practicas monopolistic, e unes ex su messages ha emergite a vices in le audientias de nostre cortes durante processos que involve Microsoft, revelante su cynismo commercial.

Le miniaturisation de computatatores e de memorias grandissime de, que nos dice, inter dece e quaranta gigabytes, lor portabilitate, e lor capacitates pro duplicar se infinitemente anque ha producite problemas.

Un informatico que travaliava pro un compania de assecurantia de sanitate recentemente vadeva a su apartamento con su computator personal portabile, que contineva omne le archivos de omne le clientes de su compania. Ille voleva travaliar con iste information in su appartamento proque ille debeva confrontar multissime ruito e interruptiones in su officio que non le permitteva travaliar in pace sur cosas qui requireva periodos de pensamento multo intensive.

Infelicemente, durante que ille vadeva a su appartamento, un fur robava su computator personal, que habeva un valor de circa $2.000 (duo mille dollars), portante con se omne le information sensitive immaganisate in le machina.

E le portabilitate de flash memory nunc ha compromittite le securitate de nostre fortias militar in Afghanistan. Iste memorias nunc se vende in le bazaars de Kabul, e multes contine information sur nostre systema de spias, sur nostre tacticas militar, e sur altere possibile projectos pro invader Pakistan pro capturar membros importante de Al Qaeda.

Omne isto non ha ulle importantia pro nos como studentes de linguas si vive inter nos le spirito de generositate e cooperation del programmatores qui disveloppava linux e si nos continua le production de nove ressources pro altere studentes de linguas in le futuro.

Pro nos le sol tragedia possibile esserea le collapso total de iste nove systema de telecommunicationes. Crescente quantitates de nostre litteratura nunc ha essite duplicate in multe servitores informatic in multe partes del mundo in versiones differente que es disponibile a nos omnes pro redactiones e disveloppamentos ulterior in nove projectos que combina e raffina le resultatos de omne nostre previe effortios individual e collective.

Le participation de omne nos in iste rete de publication de nove textos nos inseniara multo durante que nos los produce, e illo representa un ressource cuje crescente ricchessa essera de plus in plus importante pro studentes de interlingua e del linguas europee.


Computer Security Problems in the United States

The computer revolution has produced a series of security problems in the United States that are becoming more and more obvious.

The most dangerous perhaps involve computerized banking services. American banks want to promote such services because they are cheaper than traditional services. But the banking industry must constantly fight against thieves who steal account numbers and passwords to the individual accounts on their systems--and also the history of transactions that involve these accounts.

Using this information, growing numbers of thieves have been able to rob growing numbers of the customers of these banks of increasing amounts of money. For an individual customer, at times it is impossible to recover this money without losing a lot of time and effort. And our banks, naturally, are doing everything they can to avoid publicity about this problem because they don't want to lose the confidence of their customers.

Our banks, naturally, are furiously trying to solve these security problems. They have tried to use encryption, for example, to protect this sensitive information. These systems are generally based on the use of two very large prime numbers that are multiplied to produce an even larger composite number. But computers are now powerful enough that it is now impossible to construct new systems of encryption that cannot be decyphered in a period of hours by determined hackers.

The banks, naturally, are hiring their own hackers to discover security problems in their systems. But for the opponents of the bank hackers, it is only a source of fun/amusement to penetrate each new bank security system.

And the banks also have the problem expressed in these words by the Romans: "Quis custodiet ipses custodes?" (Who will watch over the guards?) This dilemma establishes the probability that the bank hackers at times will cooperate with their competitors in a secret process of (mutual enrichment)/(making each other rich). In doing this, they are only imitating the practices of executives of corporations like Enron and other similar companies that have caused the current economic crisis that is now afflicting us.

It is impossible to definitively solve this security problem (and also problems of security and honesty among legal and political officials, which are an important part of the dynamics of human history). This is a constant characteristic of the human condition that growing numbers of americans--(stultified)/(made stupid) by the many deceptions of our national mythology (and often very proud of their stultification/stupidity--are now gradually discovering.

And many people who use computerized groups such as and to maintain their network of social contacts have discovered that the information that in an earlier age would have been lost in confidential conversations are now being preserved for posterity, and many people have lost jobs because of critical comments sent to their "friends" in these groups about the companies that employ them.

Even people like Bill Gates have forgotten this occasionally. In e-mail messages he has planned his strategy against legal actions against Microsoft for monpolistic practices, and some of his messages have emerged at times in our court hearings during trials involving Microsoft, revealing his cynicism as a businessman.

Miniaturization of computers and of very large memories of, let's say, between ten and forty gigabytes, their portability, and their capabilities for duplicating themselves infinitely have also produced problems.

One computer technician who worked for a health-insurance company recently went to his apartment with his laptop, which contained all the records for all the customers of his company. He wanted to work with this information in his apartment because he had to put up with a lot of noise and interruptions in his office that did not let him work in peace on things that required periods of very intensive thought.

Unfortunately, while he was on the way to his apartment, a thief robbed his laptop computer, which had a value of around $2,000 (two thousand dollars), taking with him all the sensitive information stored in the machine.

And the portability of flash memory has now compromised the security of our military forces in Afghanistan. These memories are now being sold in the bazaars of Kabul, and many contain information about our system of spies, military tactics, and other possible projects for invading Pakistan to capture important members of Al Qaeda.

All this does not have any importance for us as students of languages if there lives among us the spirit of generosity and cooperation of the programmers who developped Linux and if we continue the production of new resources for other students of languages in the future.

For us the only possible tragedy would be the total collapse of this new system of telecommunications. Growing amounts of our literature have now been duplicated in computer servers in many parts of the world in different versions that are disposable to all of us for further editing and development in new projects that combine and refine the results of all of our previous individual and collective efforts.

The participation of all of us in this network for publishing new texts will teach us a lot as we produce them, and it represents a resource of growing importance for students of Interlingua and of the European languages.

No comments: