Wednesday, January 28, 2009

Le recyclamento como medio de protection de nostre ambiente

(Languages of this post: Interlingua, English)

In nostre societates industrial on produce benes de consumo a un rhythmo multo rapide, specialmente productos como bottilias, lattas, papiro, vestimentos, e articulos fabricate ex plasticos. Le gente anque compra nove automobiles, refrigeratores, ollas, patellas, e casserolas pro le cocina, abandonante lor articulos vetule. Iste objectos abandonate es multo valiose. On pote continuar le uso de multes ex illos e recyclar le materiales componente de alteres.

Le industria anque genera milliones de tonnas de residuos cata anno, e multes ex illos es recyclabile. Ben que multe industrias jam recycla un parte de lor residuos, on debe expander le scala de iste activitates. Le governamentos del mundo recognosce que le recyclamento es un forma rational de usar ressources que alteremente contaminarea nostre terrenos e oceanos. Multe paises ha inaugurate programmas de recyclamento a grande scala pro reducer le taxa de pollution local.

Ma nostre economia moderne exige que on compra continuemente pro inricchir nostre corporationes industrial, e le designo de lor productos sovente non facilita lor reparo. On sovente cambia lor designos de manieras frivole, e nostre corporationes sovente usa programmas aggressive de publicitate pro manipular le publico a creder que lor productos vetule es sin valor e que lor noves incarna le ultimo in perfection utilitari e esthetic. Il ha un continue conflicto inter iste philosophia del production industrial e le injuria seriose que illo inflige a nostre ambiente.

Nonobstante, in alcun paises como le Statos Unite e in alcun urbes como London e Curitiba in le Brasil on ha initiate programmas de recyclamento obligatori pro garantir que on non pollue le ambiente local de iste urbes con substantias que on pote recyclar.

Le materias prime de multe cosas que nos usa in nostre casas o nostre fermas (como plasticos, nylon, e alcun fertilizantes) es le hydrocarbonos del petroleo o del gas natural, que non es ressources renovabile. Nos ha solmente un quantitate limitate de illos in nostre terra, e eventualmente nos los exhaurira.

Le production del papiro recyclate exige solmente 50% (cinquanta pro cento) del energia que esserea necesse pro le production de papiro facite ex pasta de ligno. Le production de papiro recyclate anque reduce le contamination del aqua per 35% (trenta e cinque pro cento) e illo del aer per quasi 75% (septanta e cinque pro cento). Iste reduction es importante proque le fabrication de papiro libera grande quantitates de dioxido de carbono al atmosphera.

Cata anno augmenta le quantitate de residuos domestic, specialmente in le paises developpate. Circa 80% (octanta pro cento) de nostre residuos domestic pote esser, in theoria, recyclate. Ma a causa del contamination de multes ex iste residuos solmente 60% (sexanta pro cento) ex illos es bastante munde pro le recyclamento. Si nos recyclava, nos poterea reducer circa 50% (cinquanta pro cento) del quantitate de residuos que nos produce. Ma lo que nos pote recyclar depende del systemas de collection disponibile a nos, e in multe locos il non ha le infrastructura pro facilitar serie programmas de recyclamento.

In alcun urbes de Espania, Britannia, le Statos Unite, Canada, e Germania il ha systemas de collection selective del residuos domestic. Le gente qui usa iste systemas debe segregar lor residuos recyclabile in receptaculos differente. In altere locos le gente accumula lor productos recyclabile in lor casas e postea los porta a un centro de collection e los pone in receptaculos grande pro differente typos de articulos.

Post colliger iste articulos recyclabile, on los classifica, munda, e transporta a plantas de tractamento. Le vitro on separa in articulos verde, marron, e transparente. Tunc on los funde. Le lattas de aluminio on preme e applatta.

On reduce a pasta articulos de papiro pro fabricar nove productos de papiro o carton. Le papiro del plus alte qualitate on pote usar como materia prime pro fabricar papiro pro uso in bureaus o in le production de libros o altere articulos exigente iste typo de papiro.


Recycling as a Means of Protecting our Environment

In our industrial society consumer goods are produced at a very fast rate, especially products like bottles, cans, paper, clothing, and articles made of plastics. People also buy new automobiles, refrigerators, pots, (frying pans)/(skillets), and saucepans for the kitchen, throwing away their old ones. These abandoned objects are very valuable. It is possible to continue using many of them and recycle the component materials of others.

Industry also generates millions of tons of waste every year, and much of it is recyclable. Though many industries already recycle part of their waste, the scale of such activities should be expanded. The governments of the world recognize that recycling is a rational way of using resources that would otherwise contaminate our land and oceans. Many countries have inaugurated large-scale recycling programs to reduce the rate of local pollution.

But our modern economy demands that people continue to buy things to enrich our industrial corporations, and the design of their products often does not make it easy to repair them. Their designs are often changed in frivolous ways, and our corporations often use aggressive advertising programs to manipulate the public into believing that their old products are worthless and that their new ones embody the ultimate in aesthetic and utilitarian perfection. There is an ongoing conflict between this philosophy of industrial production and the serious damage (that) it inflicts on our environment.

Nevertheless, in some countries like the United States and in some cities such as London and Curitiba in Brazil, obligatory recycling programs have been initiated to guarantee that their local environments will not be contaminated with substances that can be recycled.

The raw materials of many things that we use in our houses or our farms (such as plastics, nylon, and some fertilizers) are the hydrocarbons of petroleum or of natural gas, which are not renewable resources. We have only a limited amount of them underground, and eventually we will exhaust them.

The production of recycled paper demands only 50% (fifty percent) of the energy that would be needed for the production of paper made from wood paste. The production of recycled paper also reduces water contamination by 35% (thirty-five percent) and air pollution by almost 75% (seventy-five percent). This reduction is important because manufacturing paper releases large amounts of carbon dioxide into the atmosphere.

Every year the amount of domestic waste increases, especially in the developed countries. (About)/(Around) 80% (eighty percent) of our domestic waste, in theory, can be recycled. But because of the contamination of much of this waste, only 60% (sixty percent) of it is clean enough for recycling. If we recycled, we could reduce by about 50% (fifty percent) the amount of waste that we produce. But what we can recycle depends on the collection systems available to us, and many places lack the infrastructure to support serious recycling programs.

In some cities in Spain, Britain, the United States, Canada, and Germany there are selective collection systems for domestic waste. People who use these systems must segregate their recyclable waste in different receptacles. In other places people accumulate their recyclable products in their homes and then carry them to a collection center and put them into large receptacles for different types of articles.

After these recyclable articles are collected, they are classified, cleaned, and transported to treatment plants. Glass is separated into green, maroon, and transparent articles. Then they are melted. Aluminum cans are pressed and flattened.

Paper articles are reduced to paste to manufacture new paper or cardboard articles. Paper of the highest quality can be used as raw material for manufacturing paper for use in offices or in the production of books or other articles demanding this kind of paper.

No comments: