Nostre piscas marin se perde a un taxa alarmante!

(Languages of this post: Interlingua, English)

Le stock mundial del pisces e molluscos mangiabile essera exhaurite si le patronos de recoltar iste fontes de nutrimento continua a su taxa actual, secundo un studio global publicate per scientistas in cinque paises.

In un articulo publicate in le jornal "Science", iste investigatores predice que 90% (novanta pro cento) del species de pisces e molluscos recoltate ex nostre mares essera exhaurite verso le fin del prime medietate de iste seculo.

Mesmo nunc, nos ha perdite 90% de nostre recoltas annual de plus que un quarto de iste species, secundo Boris Worm, le autor principal del articulo e un professor al universitate Delhousie in Halifax, Canada. "Le perdita de iste fonte importante de proteina pro nostre population es multo ben documentate," ille diceva. "E su taxa de perdita accelera continuemente."

Worm e su equipa de recercatores dice tamen que il es possibile reverter iste tendentia si nos (1) modifica nostre methodos de piscar actual pro facer los plus sustenibile, (2) crea sanctuarios marin ubi le differente species de pisces pote gradualmente replenar se e (3) reduce le taxa de pollution del litores de nostre mares.

"Ma si le ambiente que sustene iste pisces es destruite o si le aqua de nostre mares es invenenate," diceva Heike Lotze, un ecologo marin al universitate Dalahousie, "iste species marin devenira extincte."

Naturalmente in le caso de un tal desastre biologic, altere species de vita evolvera post milliones de annos a plenar iste niches ecologic vacue, ma iste taxa essera troppo lente pro salvar le humanitate, cuje population, al taxa de expansion demographic actual, augmentara pro 3.000.000.000 (tres milliardos) de personas post un parve numero de decadas. E il essera de plus in plus difficile de sustener con vita nostre population mundial con le perdita de iste fonte de nutrimentos e de alteres que se reducira a un taxa alarmante con le augmentation progressive del temperatura medie de nostre atmosphera, le qual nunc deveni de plus in plus obvie.

---

Our marine fisheries are being lost at an alarming rate!

The world supply of edible fish and molluscs will run out if the patterns of harvesting these food sources keep on going at their present rate, according to a world-wide study published by scientists in five countries.

In an article published in the journal "Science," these investigators predict that 90% (ninety percent) of the species of fish and molluscs harvested from our seas will be exhausted toward the end of the first half of this century.

Even now, we have lost 90% of our annual harvest of more than a fourth of these species, according to Boris Worm, the principal author of the article and a professor at the Delhousie University in Halifax, Canada. "The loss of this important source of protein for our population is very well documented," he said. "And its rate of loss is continuously accelerating."

Worm and his team of researchers say, however, that it is possible to reverse this tendency if we (1) modify our current methods of fishing to make them more sustainable, (2) create marine sanctuaries where the different species of fish can gradually replenish themselves, and (3) reduce the rate of pollution of the shores of our seas.

"But if the environment that sustains these fish is destroyed or if the water of our seas is poisoned," said Heike Lotze, a marine ecologist at Delahousie University, "these marine species will become extinct."

Naturally in the case of such a biological disaster, other species of life will evolve after millions of years to fill these empty ecological niches, but this rate will be too slow to save the human race, whose population, at the current rate of demographic expansion, will increase by 3,000,000,000 (three billion) people in a few decades. And it will be more and more difficult to keep our world population alive with the loss of this source of food and others that will be reduced at an alarming rate with the progressive average-temperature increase in our atmosphere, which is now becoming more and more obvious.