Wednesday, January 14, 2009

Breve historia del Brasil, Parte 12

(Languages of this post: Interlingua, English)

Le dimission de Quadros e le crise de Goulart:

Post quasi le prime septe menses de su presidentia, Quadros se dimitteva subitemente, provocante un crise politic que resultava quasi in un guerra civil. In ille momento su vice presidente, João Goulart, viagiava (stava a viagiar) in China.

Post retornar al Brasil, ille trovava que un grande parte del fortias conservator del Brasil e multe officieros militar credeva que ille esseva troppo radical e resisteva su accession al presidentia.

Le major parte del dirigentes del partitos tamen appoiava su derecto de occupar lo, e le duo gruppos forgiava un compromisso: Goulart devenirea presidente ma sub un regime parliamentari que exercitava le major parte del poter executive.

In 1963 un plebiscito national restaurava le systema presidential al pais, e Goulart recuperava omne le previe poteres executive. Sub su mandato le economia brasilian se deteriorava gravemente: Le moneta se devaluava de un maniera extraordinari, le costo del vita se triplicava, e le crescimento del producto interne brute, que habeva essite del 6-7% in le annos anterior, se stagnava.

Post perder le appoio del conservatores, Goulart cercava le collaboration del sector sinistre, essayava a neutralisar le opposition militar con frequente cambios in le postos de commando, e convocava mobilisationes popular inter le travaliatores.

Finalmente, in 1964 elementos civil e militar que opponeva Goulart proclamava un revolution e le deponeva. In april, 1964, le fortias anti-Goulart modificava le constitution brasilian e confereva poteres extraordinari al presidentia.


The Resignation of Quadros and the Crisis of Goulart:

After about the first seven months of his presidency, Quadros resigned suddenly, provoking a political crisis that almost led to a civil war. At that moment his vice president, João Goulart, was traveling in China.

After returning to Brazil, he found that a large part of the conservative forces of Brazil and many military officers thought he was too radical and resisted his accession to the presidency.

Most of the leaders of the parties, however, supported his right to occupy the office, and the two groups arrived at a compromise: Goulart would become president but under a parliamentary regime that would exercise most of the executive power.

In 1963 a national plebiscite restored the presidential system to the country, and Goulart recovered all the previous executive powers. Under his leadership the Brazilian economy deteriorated gravely: The currency devaluated very heavily, the cost of living went up by a factor of three, and the gross national product stagnated after expanding at a rate between six and seven percent in earlier years.

After losing the support of the conservatives, Goulart sought the collaboration of the Left, tried to neutralize his military opposition by frequently changing commanding officers, and encouraged the workers to revolt.

Finally, in 1964 civilian and military elements opposing Goulart declared a revolution and drove him from office. In April, 1964, the anti-Goulart forces modified the Brazilian constitution and awarded extraordinary powers to the presidency.

No comments: