Thursday, January 15, 2009

Le recyclamento como medio de protection de nostre ambiente

(Languages of this post: Interlingua, English)

In nostre societates industrial on produce benes de consumo a un rhythmo multo rapide, specialmente productos como bottilias, lattas, papiro, vestimentos, e articulos fabricate ex plasticos. Le gente anque compra nove automobiles, refrigeratores, ollas, patellas, e casserolas pro le cocina, abandonante lor articulos vetule. Iste objectos abandonate es multo valiose. On pote continuar le uso de multes de illos e recyclar le materiales componente de alteres.

Le industria anque genera milliones de tonnas de residuos cata anno, e multes ex illos es recyclabile. Ben que multe industrias jam recycla un parte de lor residuos, on debe expander le scala de iste activitates. Le governamentos del mundo recognosce que le recyclamento es un forma rational de usar ressources que alteremente contaminarea nostre terrenos e oceanos. Multe paises ha inaugurate programmas de recyclamento a grande scala pro reducer le taxa de pollution local.

Recyclar non es un idea nove. In le natura, multe cosas se recycla continuemente. Ante le Revolution Industrial, on faceva cosas de maniera que illos durarea multe tempore, e le gente los reparava e los reteneva in loco de abandonar los.

Ma nostre economia moderne exige que on compra continuemente pro inricchir nostre corporationes industrial, e le designo de nostre productos industrial non facilita lor reparo. On sovente cambia lor designos de manieras frivole, e nostre corporationes sovente usa programmas aggressive de publicitate pro manipular le publico a creder que lor productos vetere es sin valor e que lor noves incarna le ultimo in perfection utilitari e esthetic. Il ha un continue conflicto inter iste philosophia del production industrial e le injuria seriose que illo progressivemente inflige a nostre ambiente.

Nonobstante, in alicun paises como le Statos Unite e in alicun urbes como London e Curitiba in Brasil, on ha initiate programmas de recyclamento obligatori pro garantir que on non pollue le ambiente con substantias que on pote recyclar.

Le materia prime de multe cosas que nos usa in nostre casas o nostre fermas (como plasticos, nylon, e alicun fertilisantes) es le hydrocarbonos del petroleo o del gas natural, que non es ressources renovabile. Nos ha solmente un quantitate limitate de illos in nostre terra, e eventualmente nos los exhaurira.

Le production del papiro recyclate exige solmente 50% (cinquanta pro cento) del energia que esserea necesse pro le production de papiro facite ex pasta de ligno. Le production de papiro recyclate anque reduce le contamination del aqua per 35% (trenta e cinque pro cento) e illo del aer per quasi 75% (septanta e cinque pro cento). Iste reduction es importante proque le fabrication de papiro libera grande quantitates de dioxido de carbono al atmosphera.

Cata anno augmenta le production de residuos domestic, specialmente in le paises disveloppate. Circa 80% (octanta pro cento) de nostre residuos domestic pote esser, in theoria, recylate. Ma con le contamination de iste residuos solmente 60% (sexanta pro cento) ex illos es assatis munde pro le recyclamento. Si nos recyclava, nos poterea reducer circa 50% (cinquanta pro cento) del quantitate del residuos que nos produce. Ma lo que nos pote recyclar depende del systemas de collection disponibile a nos, e in multe locos il non ha le infrastructura pro facilitar serie programmas de recyclamento.

In alicun urbes de Espania, Britannia, le Statos Unite, Canada, e Germania il ha systemas de collection selective del residuos domestic. Le gente qui usa iste systemas de collection debe separar lor residuos recyclabile in receptaculos differente. In altere locos le gente conserva lor productos recyclabile in lor casas e postea los porta a un centro de collection de residuos recyclabile e los pone in receptaculos grande pro articulos recyclabile differente.

Post colliger iste articulos recyclabile, on los classifica, munda, e transporta a plantas de tractamento. Le vitro on separa in articulos verde e transparente. Tunc on los funde. Le lattas de aluminio on preme e applatta.

On reduce a pasta articulos de papiro pro fabricar nove productos de papiro o carton. Le papiro del plus alte qualitate on pote usar como materia prime pro papiro usate in le production de libros o de productos de papiro de alte qualitate.

On anque pote usar cannabe, que cresce rapidemente, pro fabricar papiro e anque le stoffa de vestimentos. Si on usava plus grande quantitates de cannabe in le production de papiro, on poterea conservar numeros plus grande del arbores que nos nunc usa in su production.


Recycling as a Means of Protecting our Environment

In our industrial societies, consumer goods are produced at a very rapid rate, especially products like bottles, cans, paper, clothing, and articles made of plastics. People also buy new automobiles, refrigerators, pots, frying pans, and sauce pans for their kitchens, abandoning their old ones. These discarded objects are very valuable. It is possible to continue using many of them and to recycle the component materials of others.

Industry also generates millions of tons of waste each year, and much of it is recyclable. Though many industries are already recycling part of their waste, the scale of these activities must be expanded. The governments of the world recognize that recycling is a rational way of using resources that otherwise would contaminate our land and sea. Many countries have inaugurated large-scale recycling programs to reduce their rate of local pollution.

Recycling is not a new idea. In nature, many things are recycled continually. Before the Industrial Revolution, things were made to last a long time, and people repaired and kept on using them instead of throwing them away.

But our modern economy demands that we buy things all the time to enrich our industrial corporations, and the design of our industrial products does not facilitate their repair. Their designs are often changed in frivolous ways, and our corporations often use aggressive advertising programs to manipulate the public into believing that their old products are worthless and that their new ones embody the ultimate in usefulness and aesthetic perfection. There is an ongoing conflict between this philosophy of industrial production and the serious way it progressively damages our environment.

Nevertheless, in some countries like the United States and in some cities such as London and Curitiba in Brazil, obligatory recycling programs have been inaugurated to guarantee that the environment will not be polluted by material that can be recycled.

The raw materials of many things that we use in our houses or our farms (such as plastics, nylon, and some fertilizers) are the hydrocarbons of oil or natural gas, which are not renewable resources. We have only a limited quantity of them within the earth, and eventually we will exhaust them.

The production of recycled paper demands only 50% (fifty percent) of the energy that would be needed to produce paper made from wood paste. The production of recycled paper also reduces water contamination by 35% (thirty-five percent) and air pollution by about 75% (seventy-five percent). This reduction is important because manufacturing paper releases large quantities of carbon dioxide into the atmosphere.

Each year domestic waste production increases, especially in the developed countries. About 80% (eighty percent) of our domestic waste, in theory, can be recycled. But this waste is often contaminated, and only 60% (sixty percent) of it is clean enough for recycling. If we recycled we could reduce the amount of waste we produce by about 50% (fifty percent). But what we can recycle depends on the collection systems available to us, and in many places there is no infrastructure to facilitate serious programs of recycling.

In some cities of Spain, Britain, the United States, Canada, and Germany there are selective collection systems for domestic waste. The people that use these collection systems must separate their recyclable resources and put them into different receptacles. In other places people conserve their recyclable products in their houses and afterward take them to a center for collecting recyclable waste and put them into large receptacles for different recyclable articles.

After these recyclable articles are collected, they are classified, cleaned, and transported to treatment plants. Glass is separated into green and transparent articles. Then they are melted. Aluminum cans are pressed and flattened.

Paper articles are reduced into paste to make new paper or cardboard articles. The highest quality paper can be used in the production of books or of high-quality paper productos.

Cannabis, which grows rapidly, can be used for making paper and also cloth for garments. If larger amounts of cannibis were used in the production of paper, it would be possible to conserve large numbers of trees that we now use for its production.

No comments: