Secunde Serie, Parte 3, Notas sur le historia de Roma e Italia

(Languages of this post: Interlingua, Italian)

Version in interlingua del texto supplementari de Parte 2:

Pro apprender a leger, a scriber, e a contar il habeva scholas al nivello elementari, durante que al scholas superior vadeva le studentes qui voleva continuar a studiar. Le universitates esseva aperite a illes qui voleva preparar se pro un profession.

Pro le estranieros e pro illes qui voleva diverter se esseva aperite tavernas, con lor insignias picturesc. Il habeva anque casas de joco e bordellos autorisate, organisate e strictemente surveliate per le authoritates municipal. Commerciantes e artisanos habeva boticas o laboratores sub le porticos del casas ubi illes viveva.

Sovente in un strata se concentrava le laboratores de un categoria identic. Assi, le strata prendeva le nomine del personas qui laborava illac: pro exemplo le via del Scarpero e le via del Joielero. Tinctores, molineros, e tannatores se establiva vicin a un flumine o a un curso de aqua que transversava le citate o anque al porto si se tractava de un citate maritime.

Omne illes qui laborava faceva parte del corporationes del quales illes debeva respectar le regulas. In cambio illes recipeva solidarietate e assistentia pro se mesmes e pro lor familias in caso de invaliditate o de morte. Nulle citatano esseva ignorate e omnes participava intensemente in le vita del citate.

(Fin de iste serie de textos)