Tertie Serie, Parte 5, Notas sur le historia de Roma e Italia

(Languages of this post: Interlingua, Italian)

Version in interlingua del texto supplementari de Parte 4:

Durante su vita Lorenzo faceva de Florentia le cuna del cultura e del arte. Ille deveniva un grande patrono reuniente in su corte scientistas, philosophos, poetas, e artistas como Marsilio Ficino, Luigi Pulci, Antonio del Pollaiolo, e Sandro Botticelli.

Ille usava le italiano como su lingua de communication e faceva de illo un instrumento de spectaculo pro le populo, in occasiones de festas e celebrationes public. Ille mesme componeva versos in italiano in le quales ille exaltava le amor e la juventute, inter le quales esseva le celebre "Triumpho de Bacco e Arianna", que esseva un invitation a gauder se del juventute que fugi.

Al centro de su multiforme interesses il ha le idea que le arte pote contribuer al disveloppamento del civilisation exactemente como le bon governamento o le prosperitate economic. Lorenzo de' Medici, cognoscite como le Magnifico, moriva in su villa de Careggi in 1492, memorate per omnes como un homine exceptional qui habeva jocate sapientemente tante rolos.

(Fin de iste serie de textos)