Septime serie, Parte 6, Notas sur le historia de Roma e Italia

(Languages of this post: Interlingua, Italian)

Version in interlingua del texto supplementari de Parte 5:

Felicemente, del puncto de vista economic, le commercio se resuscitava gratias al augmento del exportationes e al renovation del technologia del diverse interprisas public e private.

Le contrastos interne del partitos del majoritate sur questiones de grande importantia como le justitia, le politica energetic, e le crises del Medio Oriente, e le rivalitate inter le socialistas e le demochristianos impediva le activation de un politica de reformas vermente necesse.

Iste problemas esseva multo formidabile e eventualmente causava le dimission del governamento Craxi. Le nove electiones videva le formation de nove partitos como le Verdes (ambientalistas) e le regionales (presente in multe regiones del Nord, specialmente in Lombardia) e le formation de altere governamentos de coalition que revelava lor incapacitate de responder a situationes nove e de facer reformas institutional del quales se sentiva de plus in plus le exigentia.

(1) Presentation de un nove texto in interlingua:

Al initio del annos novanta, in correspondentia con le cambios in curso in le Union Sovietic e in le Europa del Est, le Partito Communista Italian se transformava in le Partito Democratic del Sinistre, durante que al latere opponite le movimentos regional, como le Liga Nord (gerite per Umberto Bossi), se consolidava in lor polemica contra le stato centralisator, le receptas del governamento, e omne le systema del partitos.

(2) Version del texto in italiano:

Agli inizi degli anni '90, in corrispondenza con i mutamenti in corso nell'Unione sovietica e nell'Europa dell'Est, il Partito comunista italiano si trasformò in Partito democratico della Sinistra, mentre sul versante opposto si consolidarono i movimenti regionali, come la Liga Nord (guidata da Umberto Bossi), in polemica contro lo Stato centralizzatore, il fisco e l'intero sistema dei partiti.

(3) Texto supplementari in italiano:

Il 25 maggio 1992 un'ampia maggioranza elesse capo dello Stato il democristiano Oscar Luigi Scalfaro, una figura che per il suo rigore morale contribuì a migliorare l'immagine di una classe politica largamente discreditata.

Questo periodo era caratterizzato da corruzione quasi universale fra le politici ed i partiti del paese. Lo scandolo, denominato "Tangentopoli", costringerebbe i leader del Partito socialista, del Partito repubblicano e del Partito liberale a dimettersi, e sotto il governo Amato (1993) venne introdotto un nuovo sistema elettorale.

(4) Si vos ha besonio de adjuta extra con le texto supplementari, vos lo trovara in le prime parte del proxime capitulo.